قافلة القضارف قامت بفضل الله

لكل المهتمين بأخبار المنظمه وهم للأسف قلائل في هذا المنتدى أن المنظمه سيرت بحمد الله قافله طبيه جديده الى منطقة القضارف وحملتها بكافة أنواع الأدويه المختلفه وهي الآن في ولاية القضارف وتعود بإذن الله يوم السبت المقبل ومن المتوقع أن تعالج 5000 حالة لأن المرة الفائته بنوري عالجت القافله 2500 حالة والقافله تضم رئيس المنظمه معتصم بابكر ونائبه حبيب فيصل (المينوتو) والأمين العام يوسف محمد عثمان وكافة أعضاء المنظمه
ودعمت القافله من عدة جهات لهم الشكر بعد المولى عز وجل وسنذكر تفاصيل القافله في مرة أخري

الناس الدايرين يشاركوا كتااار لكن انت شويه كده ما فاضي ....
ودعاءنا لاهل المنظمه بالتوفيق ...

شكرا ليك ياأحلى مشرف في المنتدى
وانا بعتذر عن الانشغال
وربنا يستجيب ويقبل

امييين ...

والله يا اخوانا انا ما فاهم اي حاجة
انتو منظمة شنو البتتكلمو عنها..!
انا شايف في منتدي اسمو منتدي المنظمة لكن بصراحة
ما خشيتوا ما عارف لشنو..؟ امكن عشان اكون ما فاهم حاجة
او مكن يكون عشان اسم المنتدي الغريب..المهم في الامر وضحو لينا الحاصل
بالضبط شنو وتلقونا قدام انشا الله!

والله يا محمد خليفه حاول أقرا من المواضيع القديمه موضوع اسمه التعريف بالمنظمه حتعرف أي حاجه والمنظمه دي بإختصار منظمه طبيه طوعية وبحمد ألله نحن الأمين العام بتاعها
والمينوتور العضو معانا وهو المشرف للمنتدى دا هو نائب الرئيس
لكن لمعلومات كافيه راجع البوست القلتو ليك دا
وتاني كان ما إكتفيت أضرب لي تلفون ياخوي وأنا بوريك كل المعلومات

ابشر والله خلاص حا افتشوا إن شاء الله

شكرا لكل الردود الجميلة
الحمد لله رجعت القافلة بالسلامة وبتوفيق من الله عز وجل تم معاينة 3000 مريض وعلاج 1988 مريض .
الحمد لله اعضاءنا قدمو كل مايمكن تقديمه ، تعب لاخر حدود التعب وسهر انشاء الله مأجورين على مجهودهم ومشكورين كمان .
سيتم ارفاق الصور بعد فترة وجيزة انشاء الله

والله ربنا يعينكم Laughing